ضاقت بي الوسيعه..ساعدوني

[My Secret]

السلام عليكم ورحمة الله وبركاته:

في البدايه احب اشكر د.حمود العبري على جهوده في ايصال هذا العلم لعدد كبير من الناس والذي بالفعل استفاد منه الكثير, وعلى تعبه في منتدى الحريه النفسيه وفي المنتديات الاخرى..وكل من ساهم في نجاح هذا المنتدى الذي يعد الافضل في نظري وانا متابعه له منذ بداية تأسيسه.. :36_3_11[1]:

ندخل في صلب الموضوع مااخفيكم ان مذكرة الحريه النفسيه صار لها عندي سنه وشهرين :dumb: حتى ان صفحاتها تنتفت من كثر ما اقراها , ادري ان فيه خطا اكيد في تطبيقي للتقنيه لاني قريت نجاحات ناس كثير ظبطت معهم الا انا ؟!! :s76:

ابي اعرف على ايش اركز بالضبط لما اطبق التقنيه لاتقولون لي ركزي على المشكله وربي الكلمه هذي صارت ترفع ضغطي لاني احس انها كلمه عامه..يعني انا مشكلتي الحين هي مرض العصر (الرهاب الاجتماعي) اركز على الجو,الناس,الموقف كاكل والا على الإحساس اللي يصير لي مثلا ً اركز على ضيق التنفس واحس فيه وانا اطبق التقنيه,على ايش بالضبط اركز؟؟؟؟؟؟؟؟؟!!!!!!

انا قريت مقالات الدكتور في موقعه والمواضيع اللي هنا في المنتدى وحتى المذكره كلها (ركزوا على المشكله)

ومشكلتي الحين كبرت وكثرت تبعاتها لدرجة اني صرت في الجامعه لما الدكتوره تحضرنا اقعد مرعوبه لين تعد اسمي (امانه محد يضحك,وربي حالتي تصعب عـ الكافر).. والحين انا شايله هم مشروع التخرج الي باقي عليه فصلين لان فيه مناقشه وبرزنتيشن وماادري وش اسوي..

وابغى اعرف كيف اركز وانا اطبق التقنيه لاني اشطح كثير :smartass:

ادري هذرت واجد وطولت عليكم بس كلي امل فيكم بعد الله انكم تساعدوني...

وشكره لكم مقدماً..

[My Secret]

اعتب عليكم يااعضاء منتدى الحريه النفسيه,, يعني كم يوم ولا رد واحد بس..!!!
معقوله اللي طبقو التقنيه مو عارفين على ايش يركزون بالضبط..!!!
انا مقدره عدم رد المشرفين والمسؤلين اكيد لهم ظروفهم وارتباطاتهم..
لكن انا عتبي عليكم يااعضاء, وانتم عارفين اكيد ان العتب دائما يأتي على قدر المحبه..وانا اعز هالمنتدى كثير..
ممكن اكون مستعجله على الرد..لاني بجد بحاجه ماسه للإجابه عن سؤالي انا ومن يعانون مثلي...
اعينوني اعانكم الله و وفقكم لما يحبه ويرضاه...

[د. حمود العبري]

عليكم السلام ورحمة الله وبركاته

اختي العزيزة My Secret
فكرة التركيز على المشكلة ممكن تعني التركيز على :
1.موقف محدد مثل اي مواقف حل لك في الماضي أثر عليك.
2. شعور محدد مثل الضيقة او ألم في اي جزء من جسمك.
3. فكرة معينة مثل فكرة او الصورة الذهنية المقلقة بتحضير الدكتورة.

و شرحت في مقالة سابقة عن الوسواس القهري واستخدمت الطاولة كرمز مجازي لفهم المشكلة

فتوجد سطح للطاولة و ارجل الطاولة.
سطح الطاولة: الرهبة و الخوف من التحدث للناس
ارجل الطاولة: مواقف حدثت في الماضي وثرت عليك وعلى نظرتك لنفسك وللحياة.

http://www.meridian-therapy.com/articles.php?article=96

طبقي هذا الاسلوب وانش ان شاء الله سوف تتحرين من المشكلة

والمهم هو تطبيق التقنية بشكل يومي تقريباً 3 جلسات (كل جلسة تستهدفين أي جزء من المشكلة) مدة كل جلسة ربع ساعة على الاقل
وسوف تشعرين بفرق كبير بإذن لله تعالى

مع اطيب الامنيات،،،
د. حمود العبري
Keep on tapping :)

[My Secret]

صباح / مساء الخير

لاتعلم كم اسعدني كثيراً رؤية ردك د.حمود وسعدت اكثر بتواضعك الكريم بالرد على سؤالي..
انا سبق وقريت مثال الطاوله في احدى مقالاتك دكتور..بس ماكانت عن الوسواس وقريت في مواقع اجنبيه
ان التركيز لازم يكون على الـ(Feelings) المشاعر..عشان كذا صار عندي لبس في موضوع التركيز..
راح اعيد اطبق التقنيه من جديد وبحاول هالمره ما اوسوس على موضوع التركيز كثير ( بركز على اللي اركز عليه :smartass: )
عندي يقين ان الـ EFT بإذن الله راح تحررني من مشكلتي (اللي بدت تضايقني كثيييير :sad_1: )..دعواتكم لي..
شكراً جزيلاً دكتور, " ردك افـــــادني كثيــراً " ,جزاك الله خيراً وسدد خطاك..
لـــك فـــــائق إحتــــــــرامي وتقـــــــديري ..

[مصلح القحطاني]

بالتوفيق اختي الكريمة

نفذي ما ذكر الدكتور

وكلنا ننتظر النتائج

وعتبك مقبول

وممكن ظروف الاجازة الصيفية هي اللي تسبب التاخر في الرد ,,,

شكرا لك,,

[My Secret]

شكراً لك استاذي الفاضل مصلح على الرد
ان شاءالله راح انفذ اللي قالي عليه الدكتور,
وياااااااااارب تنجح معي التقنيه هالمره بعد مرور عام (اما لو مانجحت يا انا بتحطم :s76: )
انا مشكلتي ما اركز وانا اركز, وعندي دائما مقاومه داخليه وانا اطبق التقنيه, تتوقع راح استفيد حتى وانا عندي مقاومه؟؟؟!!!!!
انتظر اليوم اللي انقل فيه نجاحي هنا بفارق الصبر,,
جـــزاك الله خيــراً استاذي..
تحياتي لك..

[شريفه المدرع]

مرحبا My Secret

المقصود بالتركيز انك تفكرين بالمشكلة أو الشعور السلبي وانتي تقومين بالربت..يعني أمر بسيط وبديهي وأتوقع انك تسوينه بس ماتحسين بنفسك ولو شطحتي على قولك لا تتوقفين عن التطبيق ولكن كملي وهكذا..

خذي الأمر كتحدي لنفسك وتجاهلي المقاومه أو أي شعور محبط وطبقي بحماس وبإذن الله سترين النتائج قريباً

وأنا متأكده أنك هالمره بتكوني غير ..بالتوفيق

[My Secret]

جزاك الله خير استاذه شريفه واشكرك على رفع المعنويات
ماتدرين وش كثر كنت محتاجه لهذا التشجيع والدعم النفسي من زمان

خذي الأمر كتحدي لنفسك وتجاهلي المقاومه أو أي شعور محبط وطبقي بحماس وبإذن الله سترين النتائج قريباً

وأنا متأكده أنك هالمره بتكوني غير ..بالتوفيق

ردك كان له اثر كبير على نفسي,,
بوركتِ اينما ذهبتِ وتقبلي خالص شكري واحترامي
دمتِ في حفظ الله
دعواتك :smartass:

[مصلح القحطاني]

اهلا اختي
ممكن تطبقي التقنية على المقاومة التي تشعرين بها بداية

بالرغم ان لدي مقاومة لتطبيق التقنية الا انني راضية عن نفسي تماما وبعمق

احنا نقول جربي على كل شي

ولا تنسي تتخلصي من ملوثات الطاقة ضروري

شكرا لك ,,

[My Secret]

يعطيك العافيه استاذ مصلح,,
جاري تنفيذ النصائح :smartass:
جزاك الله خيراً وأكثر من أمثالك..

[مصلح القحطاني]

اهلا بك واتمنى لك الفائدة

[ابو عبدالله 99]

اتمنى تتحررين من مشكلتك يارب
وعلى فكره ترى مشكلتك نفس مشكلتي والى الأن كلي امل في التقنية
لكني للأسف شخص عجاااز وكل ماقلت بأنظبط وبسويها كل يوم يجي اليوم الي بعده وارتخي
انا افكر اروح للدكتور في العياده لاكني متردد شوي
اتمنى تفيدوني تكفون
ياااارب تحررنا من مشكلتنا يااارب وتبعد عنا كل هم وكدر وكرب

[My Secret]

مرحبا

اشكرك اخوي ابو عبدالله 99 على الرد

قرات موضوعك والله يوفقك ان شاءالله بجلساتك مع الدكتور
لاتنسى عاد تغششنا بالنصائح..(بيعصب علي الحين الدكتور :smartass: )
ليش تكـسلني الله يسـامحك بس,,انا صحيح فيه ايام اكون عجازه فيها مثلك,بس مو يعني اني لو رحت للدكتور راح يقولي
طبقيها مرتين وربع باليوم بدل ثلاث مرات (عين العقل My Secret )..
بالتوفيق اخوي وان شاءالله تتحرر من مشكلتك ويارب اسبقك انا واتحرر قبلك :3rolleyes:


دمت بحفظ الرحمن ورعايته..



.